Dadi Valter je savladao Mirakul u veoma dobrom, borbenom meču. U prvom poluvremenu, se igralo veoma čvrsto i jako, a viđene su po dvije šanse sa obje strane. Dadi je preko Đura Mugoše došao do prednosti u osmom minutu i to je jedini pogodak u ovom dijelu igre. U drugom poluvremenu se nastavilo sa veoma dobrom igrom. Obje ekipe su stvorile po jednu šansu, da bi Dadi poslije greške odbrane pogotkom Piranića duplirao prednost. Mirakul se nije predavao I uspio je dva minuta kasnije preko Borisa Radulovića da priđe na gol zaostatka. Nakon toga, Mirakul je imao još dvije šanse ali nije uspio da dođe do gola. U finišu meča, Mirakul je pokušao sa igračem-golmanom ali je Dadi, preko Mirka Klikovca to kaznio sa još jednim pogotkom za konačnih 3:1. Da podsjetimo, u prvom njihovom meču nije bilo pobjednika.