Trikolori i Montenomaks su odigrali neriješeno u veoma otvorenom i uzbudljivom meču. Trikolori su bili bolji i konkretniji rival u prvom poluvremenu i taj dio igre su završili sa tri gola prednosti. U drugom poluvremenu Montenomaks je imao inicijativu i malo po malo sustizao prednost protivnika, da bi na nekih 5-6 minuta prije kraja došao do izjednačenja. U finiš meča se ušlo sa neriješenim rezultatom, a Montenomaks je imao nekoliko velikih prilika da dođe do vođstva. Imao je dva kaznena udarca sa devet metara i još dvije šanse ali ništa od toga nije pretvorio u gol. U posljednjim trenucima meča i Trikolori su imali zicer za pobjedu ali ni oni nijesu došli do pogotka.