Kamenuša je savladala Karabuško u veoma dobrom i borbenom meču. U prvom poluvrijemenu se igralo veoma čvrsto i jako i nije bilo puno šansi. U tom dijelu igre, rezultat je bio 1:1. Drugo poluvrijeme je bilo efikasnije i sadržajnije. Kamenuša je došla do prednosti početkom poluvremena, ali je protivnik poslije par minuta izjednačio. Rožajci su brzo odgovorili i ponovo došli do prednosti u 29-om minutu. Meč je prelomljen u 35-om minutu, kad je Kamenuša došla po prvi put do dva gola prednosti. Karabuško je uspjelo u samom finišu da postigne još jedan pogodak, kojim je postavljen konačan rezultat meča.