Komentar

Veterani su savladali Montenegropetrol puno teže nego što se može zaključiti po konačnom rezultatu meča. U prvom poluvremenu viđena je dobra igra na obje strane, a Veterani su poveli poslije sjajnog udarca Komatine. Nije puno prošlo poslije toga, a isti igrač je postigao još jedan pogodak i duplirao vođstvo. Montenegropetrol je prije i poslije pogodaka imao svoje šanse ali je golman Račić sjajno branio. U drugom poluvremenu i to na njegovom početku Montenegropetrol uspijeva da postigne pogodak i smanji vođstvo. Poslije toga on je imao i veliku šansu za izjednačenje ali je ponovo Račić spasio siguran pogodak. Iskusni Veterani su kaznili promačaje protivnika i postigli još jedan pogodak, kojim su i prelomili meč. Protivnik je do kraja pokušava imao nekoliko sjajnih udaraca ali nije uspijevao da dođe do pogotka. U samom finišu Veterani su sa još dva gola kaznili previše ofanzivnu igru protivniku i tako došli do ubjedljive pobjede i plasmana u drugo kolo plej ofa.